Wo Sue Lalah Zar Phirte Hain Lyrics

Wo Sue Lalah Zar Phirte Hain Lyrics

Wo Sue Lalah Zar Phirte Hain 

Tere Din Ae Bahar Phirte Hain 

Jo Tere Dar Se Yar Phirte Hain 

Dar Badar Youn Hi Khwar Phirte Hain 

Ah Kal Aesh Toh Kiye Humne 

Aj Woh Beqarar Phirte Hain 

Har Charagh e Mazar Par Qudsi 

Kaise Parwanawar Phirte Hain 

Us Gali Ka Gada Hoon Main Jisme 

Mangte Tajdar Phirte Hain 

Jan Hain Jan Kya Nazar Aye 

Kyon A’du Gird e Gar Phirte Hain 

Phool Kya Dekhun Meri Ankhon Me 

Dasht e Taiba Ke Khar Phirte Hain 

Lakhon Qudsi Hain Kar e Khidmat Par 

Lakhon Gird e Mazar Phirte Hain 

Haye Ghafil Woh Kya Jagah Hai Jahan 

Panch Jate Hain Char Phirte Hain 

Koi Kyon Puche Teri Bat Raza 

Tujhse Saida Hazar Phirte Hain